Remix

Make your own version of MicroGrid Energy Hub

Edit the prompt below and generate a customized version in seconds.

Original by Azddine Yahya

Describe your app

MicroGrid Connect

المشكل اللي كاين

دابا مع الانتشار الكبير ديال الألواح الشمسية والسيارات الكهربائية، ولات كاينة واحد المشكلة فطريقة استعمال الطاقة.

مثلاً، واحد الدار عندها panneaux solaires، وكتنتج الكهرباء فالنهار، ولكن فبعض الأوقات كتكون كتنتج أكثر من اللي محتاجة. هاد الطاقة الزايدة ممكن تضيع أو ترجع للشبكة بثمن قليل.

وفنفس الوقت، فواحد الوقت آخر كيقدر الاستهلاك يطلع بزاف، وكيولي الشخص محتاج ياخذ الكهرباء من الشبكة.

الحل اللي بغيت ندير

الفكرة ديالي هي منصة سميتها MicroGrid Connect.

المنصة غادي تكون كتربط بين الألواح الشمسية، البطاريات اللي فالديور، ومحطات شحن السيارات الكهربائية.

الفكرة الأساسية هي أن المنصة تجمع هاد الأنظمة كاملة وتعاون المستخدم يعرف كيفاش يستعمل الطاقة ديالو بطريقة أحسن.

مثلاً، المنصة تقدر تراقب شحال كتنتج الألواح الشمسية، شحال كيتستهلك فالدار، حالة الطقس، وحتى طريقة الاستهلاك ديال المستخدم.

ومن بعد تقدر تحدد الوقت المناسب باش الطاقة تستعمل مباشرة، ولا تخزن فالـbattery، ولا تستعمل فشحن السيارة الكهربائية.

الهدف هو أن المستخدم ما يضيعش الطاقة اللي كينتجها، ويحاول ينقص من الكهرباء اللي كيحتاج ياخذها من الشبكة.

مشاركة الطاقة بين الناس

كاينة حتى فكرة أخرى بغيت نضيفها للمنصة، وهي P2P Energy Sharing.

مثلاً، إلا كانت عند شي دار طاقة شمسية زايدة وما محتاجاهاش فداك الوقت، وشي دار أخرى محتاجة الطاقة، المنصة تقدر تربط بينهم.

بمعنى أن الشخص اللي عندو فائض يقدر يبيع أو يشارك جزء من الطاقة ديالو مع شخص آخر محتاجها، بطريقة مباشرة ومنظمة، وبطبيعة الحال حسب القوانين والنظام الكهربائي الموجود فكل منطقة.

هاد الخاصية تقدر تخلي الناس يستافدو من الطاقة اللي عندهم بدل ما تبقى غير ضايعة.

علاش كنشوف أن الفكرة عندها مستقبل

الطاقة الشمسية والسيارات الكهربائية كيزيدو ينتاشرو، ومع الوقت غادي يزيد الاحتياج لأنظمة كتقدر تنظم هاد الطاقة.

أنا كنشوف أن MicroGrid Connect تقدر تكون أكثر من مجرد تطبيق.

الفكرة هي تكون منصة كتساعد فتنظيم الطاقة بين الألواح الشمسية والبطاريات والسيارات الكهربائية وحتى المستخدمين، ومع الوقت تقدر تكبر وتولي جزء من الطريقة اللي غادي يتم بها تدبير الطاقة مستقبلاً.

فين وصل المشروع دابا

دابا المشروع مازال فمرحلة التطوير.

الهدف الحالي هو بناء MVP، يعني نسخة أولى من المنصة، ومعاها محاكي للبيانات باش نقدر نجرب الخوارزميات ونشوف كيفاش غادي تخدم فحالات مختلفة.

ومن بعد، الهدف هو نجرب الخدمة مع أول مجموعة من المستخدمين ونشوف النتائج والمشاكل اللي ممكن تظهر، ومن تما نقدر نطور المنصة أكثر.

Free to use. No credit card required.